პარიზის გარეუბანში, მანანვილში, შეიარაღებულმა მამაკაცმა, რომელიც ე.წ. ისლამური სახელმწიფოს სახელით მოქმედებდა, ფრანგი პოლიციელი საკუთარ სახლთან მოკლა. ამის შესახებ The Guardian წერს. შემთხვევის შედეგად დაიღუპა პოლიციელის მეუღლეც. მისი ცხედარი პოლიციამ სახლში აღმოაჩინა, მათი სამი წლის შვილი კი ცოცხალი გადარჩა. სპეცოპერაციის დროს დაიღუპა თავდამსხმელიც.

მკვლელობაზე პასუხისმგების აღების შესახებ, ინფორმაცია ე.წ. ისლამური სახელმწიფოს სააგენტომ გაავრცელა, რასაც დაზვერვის სამსახური ტვიტერზე ადასტურებს:

საფრანგეთის პროკურატურამ ტერორისტულ აქტზე აღძრა საქმე. გამოძიებისთვის ცნობილი გახდა, რომ თავდასხმა ოჯახის მეზობელმა განახორციელა.

თვითმხილველების თქმით, როდესაც თავდამსხმელმა პოლიციელი მოკლა, მან "ალაჰ აკბარ" დაიყვირა, ამ დროს კი ქალი და ბავშვი სახლში ჰყავდა ჩაკეტილი.

მოკლული პოლიციელი ჯან ბაპტისტ სალვინგი 42 წლის იყო. მკვლელობის დროს მას სამოქალაქო ტანსაცმელი ეცვა.