დღეს თბილისის მასშტაბით 15 აქციაა დაგეგმილი. საპროტესტო მსვლელობებს, სხვადასხვა ლოკაციებზე, განსხვავებული სფეროს წარმომადგენლები გამართავენ.

თბილისის მასშტაბით დღის განმავლობაში დაგეგმილია:

11:00 საათზე — IT/TECH კომუნა რესპუბლიკის მოედანზე საპროტესტო აქციას გამართავს;

12:00 საათზე — სტარტაპერების საპროტესტო აქცია ტექნოპარკთან იგეგმება;

13:00 საათზე — სხვადასხვა ლოკაციაზე რამდენიმე აქცია გაიმართება:

  • 1 საათით ყველა ვწყვეტთ მუშაობას და გავდივართ გარეთ (ყველგან).
  • სტუდენტების მარში (განათლების ხარისხის ეროვნული ცენტრი),
  • HR და ტრენერების მარში (რესპუბლიკის მოედნიდან),
  • სამედიცინო სფეროს წარმომადგენლების პროტესტი (სამედიცინო უნივერსიტეტის ეზო),
  • ფინანსური სფერო წარმომადგენლების მარში (რესპუბლიკის მოედნიდან).

14:00 საათზე — მუსიკის სფეროს წარმომადგენლები კონსერვატორიიდან დაიძვრებიან;

14:30 საათზე — გაიმართება მარკეტერების, PR სპეციალისტების და შემოქმედებითი ინდუსტრიის წარმომადგენლების მარში ვაკის პარკიდან;

17:00 საათზე — საქართველოს უზენაესი სასამართლოდან და ეკონომიკის სამინისტროდან ადვოკატების, საქართველოს იურიდიული ფირმების ასოციაციის წევრების მარში;

18:00 საათზე — ემიგრანტების და მათი ოჯახების მარში დაიწყება მარჯანიშვილის მეტროდან;

19:00 საათზე — ელექტრონული მუსიკის სცენისა და საკლუბო კულტურის წარმომადგენლების მარში მარჯანიშვილის მოედნიდან დაიწყება;

19:00 საათზე — საქართველოს პარლამენტთან საერთო აქცია დაიწყება;

20:00 საათზე — გაიმართება ფსიქოლოგების მარში რესპუბლიკის მოედნიდან.