მე დარწმუნებით შემიძლია ვთქვა, ასეთი საქციელი ახალგაზრდების მიმართ არის სუფთა რუსული დამოკიდებულება, — ამის შესახებ სურამის და ხაშურის ეპისკოპოსმა სვიმეონმა ქადაგებისას თქვა. მისი თქმით, სამწუხაროა, რომ ერთმანეთს და ერთმანეთის შვილებს არარაობად მივიჩნევთ.

"როგორ წარმოგიდგენიათ, რომელიმე პოლიტიკოსის შვილი იყოს აქციაზე გამოსული, როგორ წარმოგიდგენიათ, რომ ვინმემ თავის შვილს ესროლოს, გალახოს? სამწუხაროა, რომ ჩვენ ერთმანეთს და ერთმანეთის შვილებს არარაობად მივიჩნევთ. არსებადაც არ მივიჩნევთ. რა თქმა უნდა, სამწუხაროა ის ფაქტი, რომ მთავარი მონაწილეები ამ ძალადობისა არიან ის ადამიანები, რომლებიც მხოლოდ და მხოლოდ ასრულებენ დავალებას. ისიც ადამიანია, ისიც ქრისტიანია, სადღაც შეიძლება ეკლესიის სადღეგრძელოსაც ამბობენ, ქვეყნის სადღეგრძელოს, ქვეყნის, შვილების სადღეგრძელოს, მაგრამ გამოვლენ და შეიძლება სასიკვდილოდ გაიმეტონ ჩვენი ქვეყნის ის გენოფონდი, ვისაც ვხედავთ, როგორც ექცევიან. ...მე დარწმუნებით შემიძლია ვთქვა, ასეთი საქციელი ახალგაზრდების მიმართ არის სუფთა რუსული დამოკიდებულება", — ამის შესახებ სურამის და ხაშურის ეპისკოპოსმა სვიმეონმა ქადაგებისას თქვა.