XI მოწვევის პარლამენტის პირველ სხდომაზე ფრაქცია ქართული ოცნება შეიქმნა — ის 80 წევრით იქნება წარმოდგენილი პარლამენტში და მამუკა მდინარაძე უხელმძღვანელებს.

მდინარაძის მოადგილეები იქნებიან რიმა ბერაძე, ირმა ზავრადაშვილი, გრეტა წიწავა, ედიშერ თოლორაია, ნოდარ ტურძელაძე და დავით კოდუა.

ქართული ოცნების წევრებმა პარლამენტის 150 წევრის უფლებამოსილება ცნეს, მათ შორის 61 წევრია იმ ოთხი პოლიტიკური გაერთიანებიდან, რომელიც 26 ოქტომბრის არჩევნების შედეგებს არ ცნობს.