რუსეთის ფედერაციის პრეზიდენტის პრესმდივანმა, დიმიტრი პეშკოვმა ჟურნალისტის კითხვას, როგორ აღიქვამს კრემლი აფხაზეთში არსებულ დაძაბულ ვითარებას განაცხადა, რომ რუსეთის ფედერაციის საგარეო პოლიტიკის პრიორიტეტი რუსეთსა და აფხაზეთს შორის ურთიერთობებია.

"რუსეთ-აფხაზეთის ორმხრივი ურთიერთობები ჩვენი საგარეო პოლიტიკის ძალიან მნიშვნელოვანი პრიორიტეტია", — აღნიშნა პესკოვმა.

შეგახსენებთ, რომ ცოტა ხნის წინ არეულობა იყო აფხაზეთში. ოკუპირებული ე.წ. ხელისუფლება და ოპოზიცია ერთმანეთს დაუპირისპირდა რუსეთთან საინვესტიციო შეთანხმების გამო, რომელიც ითვალისწინებს ოკუპირებულ აფხაზეთში ბინების მშენებლობას.

ამასთან, ე.წ. პარლამენტს "დოკუმენტის" რატიფიცირება უნდა მოეხდინა 15 ნოემბერს, მაგრამ პროტესტის დაწყებასთან ერთად საკითხის განხილვაც გადაიდო.

სოხუმში ოპოზიციის მხარდამჭერებმა დაიკავეს ე.წ. სამთავრობო შენობები, მათ შორის ე.წ. პრეზიდენტის ადმინისტრაცია და მოითხოვეს ასლან ბჟანიას გადადგომა.