"ევროკომისიას მოვუწოდებ, საქართველოს ამჟამინდელი მთავრობის სრული იზოლაცია მოახდინოს დაფინანსებების გაყინვით, სავიზო რეჟიმის შემოღებით და საერთაშორისო დონეზე ამ რეჟიმის წარმომადგენლების გარშემო სანიტარული ზონის შექმნით", — ამის შესახებ ევროპარლამენტარმა მალგოჟატა გოშევსკამ ევროპარლამენტის პლენარულ სხდომაზე განაცხადა.

მისი თქმით, ისტორია გვასწავლის, რომ დიქტატორები ძალაუფლების დათმობაზე უარს ამბობენ და დროა დასკვნები გამოვიტანოთ.

"ისტორია გვასწავლის, რომ დიქტატორები ძალაუფლების მოპოვებას დემოკრატიული არჩევნებით ცდილობენ, თუმცა თუ მათ არასდროს სურთ ამ ძალაუფლების დათმობა - ისინი საფრთხე ხდებიან, არა მხოლოდ საკუთარი ერისთვის, არამედ საერთაშორისო საზოგადოებისთვისაც.
2012 წელს პრეზიდენტი სააკაშვილი დათანხმდა ძალაუფლების დათმობას, რომელიც მისი აღარ იყო. თუმცა 2016 წლიდან, განსაკუთრებით 2020 წლის არჩევნების შემდეგ, საქართველოს ავტორიტარული რეჟიმების გზას მიყვება. და სამწუხაროდ, ახლა ხელისუფლებაშია ხალხი, რომელმაც თავისი ფული რუსეთში ინვესტიციებით მოიპოვა.", — განაცხადა ევროპარლამენტარმა.