საქართველოს პრემიერმინისტრმა, ირაკლი კობახიძემ, ჟურნალისტებთან საუბრისას განაცხადა, რომ საზოგადოების დამსახურებით, საქართველოს პრეზიდენტ სალომე ზურაბიშვილს მხოლოდ "ორი პარასკევი" დარჩა.

"ნუ ჩვენ ვპირდებოდით საზოგადოებას და პრინციპში საზოგადოებამ გააკეთა ეს, რომ ორი პარასკევი აქვს დარჩენილი სალომე ზურაბიშვილს", — ამბობს კობახიძე.

მისივე თქმით, ზურაბიშვილი უნდა დატკბეს პრეზიდენტობის იმ "ორი დღის" პერიოდით, რაც დარჩა, რადგან მალე ის "ვერანაირ პრობლემას ვერ შეუქმნის ჩვენს ეროვნულ ინტერესებს".

"მას გადის ძალიან მალე ვადა ყველა თვალსაზრისით. შესაბამისად, რაღაცნაირად უნდა სიამოვნება მიიღოს იმ დარჩენილი ორი დღისგან, რომელიც მას აკავშირებს პრეზიდენტის თანამდებობასთან. გავა ეს ორი თვეც და სალომე ზურაბიშვილი ვერანაირ პრობლემას ვერ შეუქმნის ჩვენს ეროვნულ ინტერესებს", — განაცხადა პრემიერმინისტრმა.