ნატოში საქართველოს ელჩმა, ვიქტორ დოლიძემ, სოციალურ ქსელში კრიტიკოსებს აგინა და დაემუქრა.

დიპლომატის დღესთან დაკავშირებით ვიქტორ დოლიძემ სოციალურ ქსელში გააზიარა საგარეო საქმეთა სამინისტროს პოსტერი და კოლეგებსა და მეგობრებს ეს დღე მიულოცა.

ფეისბუქ-მომხმარებლების მხრიდან ამას კრიტიკა მოჰყვა. ისინი დიპლომატების დუმილს აპროტესტებდნენ და მათმა ნაწილმა შეურაცხმყოფელი კომენტარებიც დაწერა. დოლიძეს მომხმარებლებმა მოღალატე, ღალატის თანამონაწილე და ევროინტეგრაციის გაჩერებაში მონაწილე უწოდეს.

"კი ვიცი რისი ღირსები ხართ, უბრალოდ საკუთარ თავს არ ვაკადრებ თქვენი ავაფმყოფი დედებს დავეცი მე თქვენს ყველას", — ასე უპასუხა კრიტიკულ კომენტარებს ვიქტორ დოლიძემ.

მოგვიანებით, ნატოში საქართველოს ელჩი კიდევ ერთ კომენტარს გამოეხმაურა:

"აი ხმას რომ არ ვიღებთ იმიტომაც გაბლატავდით, მართლა რა! მეტს არაფერს არ ვიტყვი, არ გადამეყაროთ სადმე!", — დაწერა ვიქტორ დოლიძემ.

ფოტო: ნეტგაზეთი

დოლიძემ პოსტზე კომენტარები შეზღუდა და არაერთი კომენტარი, სავარაუდოდ, წაშალა.