ევროპარლამენტის პრეზიდენტის, რობერტა მეცოლას მიერ გავრცელებული ინფორმაციით, ევროპარლამენტმა, ესპანეთში წყალდიდობისგან დაღუპული ადამიანების პატივსაცემად ესპანეთის და ევროკავშირის დროშები დაუშვა.

"დღეს ჩვენი დროშები დაშვებულია. ევროპარლამენტი უერთდება ესპანელი ხალხის გლოვას ყველა იმ ადამიანის გამო, რომელიც ტრაგიკულ წყალდიდობას ემსხვერპლა. ამას ერთად გავუმკლავდებით", — წერს მეცოლა სოციალურ ქსელ X-ზე.

ცნობისთვის, ესპანეთში, დამანგრეველი წყალდიდობა მოხდა, რომლის შედეგადაც დაღუპულთა რაოდენობა 95-მდე გაიზარდა.

ესპანეთის პრემიერ-მინისტრმა, პედრო სანჩესმა ქვეყანაში სამდღიანი გლოვა გამოაცხადა.

ვალენსიაში, სამაშველო ჯგუფები დაკარგულების ძებნას კვლავ განაგრძობენ.