BBC-ის ცნობით, ქარიშხალმა ჰელენმა, ჩრდილოეთ კალიფორნიაში 30 ადამიანის სიკვდილი გამოიწვია. ქარიშხალმა ქალაქები დატბორა, რასაც კატასტროფული შედეგები მოჰყვა. ყველაზე დიდი ზარალი ქარიშხალმა ფლორიდასა და ჯორჯიის შტატს მიაყენა.

"ჩვენ ბიბლიური განადგურება დაგვატყდა თავს […] ეს არის ყველაზე დიდი სტიქიური უბედურებაა, რაც რომელიმე ჩვენგანს ოდესმე უნახავს", — განაცხადა გადაუდებელი სამსახურის წარმომადგენელმა, რაიან კოულმა.

BBC-ის ინფორმაციით, ქარიშხალს, ქვეყნის მასშტაბით, დაახლოებით 105 ადამიანი მაინც ემსხვერპლა.

ჰელენმა ქალაქების განადგურება ფლორიდის შტატიდან დაიწყო, საიდანაც ჩრდილოეთით — ჯორჯიაში, კაროლინასა და ტენესიში გადაინაცვლა. იმ მცხოვრებთა უმეტესობას სახლები განადგურებული დახვდათ. დაახლოებით 1000 ადამიანი დაკარგულად ითვლება, ნათესავები მათთან დაკავშირებას ცდილობენ, თუმცა მობილური სერვისი არ მუშაობს.

ოკეანისა და ატმოსფეროს ეროვნულმა ადმინისტრაციამ მიმდინარე წლის დასაწყისში განაცხადა, რომ 2024 წელს მოსალოდნელი იყო დაახლოებით 25 შტორმი — მათ შორის ქარიშხალი ჰელენი.