ისრაელის პრემიერ-მინისტრმა, ბენიამინ ნეთანიაჰუმ, უარი განაცხადა აშშ-ის მიერ შემოთავაზებულ სამშვიდობო გეგმაზე. მეტიც, მან არმიას მთელი ძალით ბრძოლისკენ მოუწოდა.

აშშ-მა, გაერთიანებულმა სამეფომ, საფრანგეთმა და სხვა მოკავშირეებმა ისრაელს ცეცხლის 21 დღით შეწყვეტისკენ გუშინ მოუწოდეს.

"ცეცხლის შეწყვეტის შესახებ გავრცელებული ცნობები სიმართლე არ არის. ეს ფრანგულ-ამერიკული შეთავაზებაა, რომელსაც პრემიერმა არც კი უპასუხა", — განაცხადეს ნეთანიაჰუს ოფისში

პარალელურად, ისრაელის თავდაცვის ძალებმა (IDF) 26 სექტემბრის დილით განაცხადეს, რომ ბეკაასა და სამხრეთ ლიბანში საჰაერო დარტყმები მიიტანეს იარაღის საწყობებზე, რაკეტების გამშვებებზე, სამხედრო შენობებსა და ინფრასტრუქტურაზე.

ლიბანის ჯანდაცვის სამინისტროს ცნობით, მიმდინარე კვირას ისრაელის ავიაციის თავდასხმებს ლიბანში, სულ მცირე, 72 ადამიანი შეეწირა.