პარლამენტის თავჯდომარე, დავით უსუფაშვილი ამბობს, რომ რუსთავი 2-თან დაკავშირებული დიდი თუ პატარა თემა ყოველთვის იწვევს ხელის გაშვერას ხან არსებული, ხან ყოფილი მთავრობისკენ:

"დიდწილად შესაძლოა თავად მათი არჩევანია, რომ ასეთი მეპატრონეები დაებედა თუ მეპატრონეთა ცვლილებების ასეთი კასკადი დაებედეა. ძალაში თუ დატოვა სააპელაციო სასამართლომ ქვედა ინსტანციის სასამართლოს გადაწყვეტილება, მე ამ კომენტარში მაინცდამაინც ვერ შევალ, უბრალოდ ვისურვებ, რომ ძალაში დარჩეს ყველაფერი იმასთან დაკავშირებით, რომ არჩევნებამდე თუ რუსთავი 2 შეჩერდა ან მან მაუწყებლობა შეცვალა, ეს იქნება დღევანდელი მთავრობის, ხელისუფლების საწინააღმდეგო ნაბიჯი. ეს იქნება პოლიტიკური გამარჯვება ვიღაცა სხვისი".

თბილისის სააპელაციო სასამართლომ 10 ივნისს, ძალაში დატოვა საქალაქო სასამართლოს მოსამართლის, თამაზ ურთმელიძის გადაწყვეტილება რუსთავი 2-ის წილების ქიბარ ხალვაშისთვის მიკუთვნებასთან დაკავშირებით.

თბილისის სააპელაციო სასამართლომ რუსთავი 2-ის საქმის განხილვა 7 ივნისს დაასრულა.