ჭიათურაში კომპანია ჯორჯიან მარგანეზის საქმიანობით დაზარალებული მოქალაქეები, საჩხერეში, სოფელ ჭორვილაში ბიძინა ივანიშვილის სახლისკენ მსვლელობით დაიძრნენ.

აქციის მონაწილეები ქართული ოცნების საპატიო თავმჯდომარის სახლთან 15:00 საათიდან გადაინაცვლებენ.

"სახლი დაგვინგრიეს, თუ რამე ჩემმა მამამთილმა და ქმარმა იწვალეს, ამ სახლის მშენებლობაზე ჩადეს, უმძიმეს პირობებში გვიხდება ცხოვრება, ამათ კი ეს არ აინტერესებთ. სხვა გზა დარჩენილი არ გვაქვს, იძულებული ვართ, ივანიშვილის სახლთან გადავინაცვლოთ", — ამბობს აქციის მონაწილე.

ცნობისთვის, სოფელ შუქრუთში პროტესტი უკვე 165 დღეა გრძელდება.

შუქრუთელების მთავარი მოთხოვნა, კომპანიის მხრიდან კომპენსაცია და უსაფრთხო საცხოვრებელი პირობების შექმნაა — აქციის მონაწილეების თქმით, მარგანეცის მოპოვებითი სამუშაოების გამო სახლებს ქვევით მიწა მთლიანად გამოცლილია და შენობები დანგრევის პირასაა.

გაიგე მეტი ამ თემაზე: შუქრუთელები, ჭორვილაში ივანიშვილის სახლთან საპროტესტო აქციას გეგმავენ