ჩეხეთი ევროკავშირში გაყინული რუსული აქტივებიდან მიღებული პროცენტების ნაწილს უკრაინისთვის ასობით ათასი საარტილერიო ჭურვის შესაძენად გამოიყენებს, — ინფორმაციას უკრაინული მედია ჩეხეთის თავდაცვის სამინისტროზე დაყრდნობით ავრცელებს.

ჩეხეთის თავდაცვის სამინისტრომ განაცხადა, რომ თანხის ნაწილი უკრაინისთვის საარტილერიო საბრძოლო მასალის შეძენას მოხმარდება.

"გაყინული რუსული აქტივებიდან მიღებული და ევროკავშირის მიერ გამოყოფილი თანხების წყალობით, ჩვენ უკრაინისათვის ასობით ათასი საბრძოლო მასალის მიწოდებას შევძლებთ", — განაცხადა ჩეხეთის თავდაცვის მინისტრმა, იანა ჩერნოხოვამ.

ცნობისთვის, ევროკავშირის წევრი სახელმწიფოები რუსული აქტივებიდან პროცენტებს იღებენ, რაც ობლიგაციებსა და სხვა ფასიან ქაღალდებს მოიცავს, შემდეგ კი ამ სახსრებს ევროკავშირის ფონდში უკრაინის დასახმარებლად ათავსებენ.