იუსტიციის სამინისტრომ "უცხოური ინტერესების გამტარებელთა რეესტრის" ვებგვერდი აამოქმედა.

რეესტრში საიდენტიფიკაციო ნომრითა და სახელით შეიძლება იმ არასამთავრობო და მედიაორგანიზაციების მოძებნა, რომლებსაც საქართველოს პარტნიორი ქვეყნებიდან მიღებული დაფინანსების გამო "უცხოური ინტერესების გამტარებელთა რეესტრში" დარეგისტრირება კანონით ევალებათ.

ფოტო: Screenshot / fitreg.napr.gov.ge

ამ დროის მონაცემებით, [14:00] რეესტრის ბაზაში არცერთი ორგანიზაცია არ ჩანს.

ცნობისთვის, იუსტიციის მინისტრმა რატი ბრეგაძემ, 1-ელ აგვისტოს გამოაქვეყნა ბრძანება და ორგანიზაციებისთვის განმარტა, თუ როგორ უნდა დარეგისტრდნენ ისინი ბაზაში.

ამავე თემაზე: რუსული კანონით გათვალისწინებულ ბაზაში მედიაორგანიზაციებს და არასამთავრობოებს რეგისტრაცია ხვალიდან შეეძლებათ

მრავალი მოწოდების მიუხედავად, საქართველოს პარლამენტმა 28 მაისს ე.წ. "აგენტების კანონზე" პრეზიდენტის ვეტო დაძლია. შეგახსენებთ, კანონის მიღების შემდეგ, საქართველოს დახმარების ნაწილი უკვე შეუწყვიტა ევროკავშირმა, აშშ-მა კი განუსაზღვრელი ვადით გადადო სამხედრო სწავლება.