მოკლედ: სოფელ წიწამურთან, ჯორჯიან უოეთერ ენდ ფაუერის (GWP) მაგისტრალური მილსადენის დაზიანების საქმეზე, გამოძიება დაიწყო.

  • ინფორმაცია On.ge-ის შინაგან საქმეთა სამინისტროში დაუდასტურეს.

დეტალები: შსს-ს ცნობით, გამოძება მიმდინარეობს სისხლის სამართლის კოდექსის 188-ე და 306-ე მუხლით, რაც გულისხმობს ნივთის დაზიანებას ან განადგურებას გაუფრთხილებლობით და საქმიანობის განხორციელება გარემოზე ზემოქმედების ნებართვის გარეშე.

კონტექსტი: 16 ივნისს, წიწამურთან დაზიანდა მაგისტრალური წყალსადენი, რომელიც თბილისში ვაკე-საბურთალოს და გლდანის რაიონების ნაწილს და ქალაქ მცხეთას ამარაგებს.

  • GWP-ის მიხედვით, მესამე მხარის მიერ დიდი ოდენობით დაყრილი მასალის ზეწოლამ, გამოიწვია ჯივიპის ცენტრალური წყალსადენის რამდენიმე მონაკვეთის დეფორმირება და გადაბმის ადგილების ერთმანეთისგან დაშორება.

გაიგე მეტი: "GWP-ს აქვს ძალიან დიდი პრობლემები ქალაქში, ამორტიზებულია და საჭიროებს განახლებას" — კალაძე

  • 18 ივნისს, GWP-ის გენერალური დირექტორმა განაცხადა, რომ მაგისტრალის აღდგენის სამუშაოები 24-საათიან რეჟიმში ხორციელდება და არაუგვიანეს ერთ კვირაში დასრულდება.

ამ თემაზე: GWP-ის დირექტორის ინფორმაციით, წიწამურთან დაზიანებული მაგისტრალის აღდგენას ერთი კვირა დასჭირდება