მოკლედ: უნივერსიტეტისა და ქავთარაძის ქუჩების დამაკავშირებელი გზის და გვირაბის მშენებლობა იწყება.

  • "გვირაბი უნივერსიტეტის ე.წ. მაღლივი კორპუსის მიმდებარე ტერიტორიიდან დაიწყება და მიხეილ შავიშვილის ქუჩას შეუერთდება, რომელიც პეტრე ქავთარაძის ქუჩასთან არის დაკავშირებული", — განაცხადა თბილისის მერმა, კახა კალაძემ დღეს, 17 ივნისს, მუნიციპალიტეტის მთავრობის სხდომაზე განაცხადა.

დეტალები: კალაძის თქმით, მოეწყობა გვირაბის მისასვლელი და გამოსასვლელი პანდუსები და ტროტუარი, ჩატარდება საიზოლაციო სამუშაოები, მოეწყობა წყალმოსაცილებელი და სადრენაჟე სისტემა, დამონტაჟდება გარე განათების ქსელი.

ასევე, გვირაბის გასწვრივ რკინაბეტონის დამცავი კედლები აშენდება. გვირაბში იქნება ორმხრივი მოძრაობა — თითო ზოლი თითო მიმართულებით.

  • სამუშაოები ამ კვირაში დაიწყება და 2025 წლის იანვარში დასრულდება.
  • პროექტის ღირებულება 12 მილიონი ლარია.