მოკლედ: კავკასიის უნივერსიტეტის სტუდენტები სოლიდარობას უცხადებენ თბილისის სახელმწიფო უნივერსიტეტის სტუდენტებს, რომლებმაც განაცხადეს, რომ არ დაესწრებიან ლექციებს მანამ, ვიდრე საქართველოს ხელისუფლება რუსულ კანონს უკან არ გაიწვევს.

დეტალები: "კავკასიის უნივერსიტეტის სტუდენტები მხარდაჭერას ვუცხადებთ თსუ-ს სტუდენტებს, რადგან ჩვენი გამაერთიანებელი სწორედ ის ევროპული ღირებულებები და მომავალია, რომლის დაკარგვის პირასაც ვიმყოფებით ახლა", — წერენ სტუდენტები.

  • სტუდენტებს სოლიდარობას უცხადებს თსუ-ს ჰუმანიტარული ფაკულტეტის პროფესორი სოფო შამანიდიც, რომელიც წერს, რომ მისი ვალია იდგეს იქ, სადაც თავისი სტუდენტები დგანან და მათთან ერთად იბრძოლოს საქართველოს ევროპული მომავლისთვის.

მსგავსი: ორშაბათიდან მეც დავტოვებ აუდიტორიას, ჩემი ვალია ვიდგე იქ, სადაც ჩემი სტუდენტები დგანან — თსუ-ს პროფესორი

კონტექსტი: დღეს, 11 მაისს, თბილისის სახელმწიფო უნივერსიტეტის სტუდენტების ნაწილმა უარი განაცხადა ლექციებზე დასწრებაზე მანამ, ვიდრე საქართველოს ხელისუფლება რუსულ კანონს უკან არ გაიწვევს.

  • "მივიღეთ გადაწყვეტილება, რომ ორშაბათიდან უარი ვთქვათ აუდიტორიებში შესვლაზე. დილის 9 საათიდან ვიდგებით რუსთაველის გამზირზე", — განაცხადეს სტუდენტებმა.

გაიგე მეტი: თსუ-ს სტუდენტების ნაწილი უარს აცხადებს ლექციებზე დასწრებაზე, სანამ მთავრობა უკან არ გაიწვევს რუსულ კანონს