მოკლედ: რუსთაველის გამზირზე მოძრაობა გადაიკეტა პარლამენტის შენობის წინ მიმდინარე საპროტესტო აქციის გამო.

  • აქციაზე მისულებს ორგანიზატორები სიტყვითაც მიმართავენ.

ფოტო: ნინო გიორგობიანი / On.ge

ამასთან, აქცია მიმდინარეობს საკანონმდებლო შენობის უკანა მხარეს, ისევე, როგორც შენობის გვერდითა შესასვლელთან, ჭიჭინაძის ქუჩაზე.

პროტესტი პარლამენტის უკანა შესასვლელთან, 16 აპრილი, 2024 წელი

პროტესტი პარლამენტის უკანა შესასვლელთან, 16 აპრილი, 2024 წელი

ფოტო: ნინო დიაკონიძე / On.ge

  • უკვე მეორე დღეა, პარლამენტთან ხალხი აპროტესტებს მმართველი პარტია ქართული ოცნების დაჟინებულ სურვილს, მიიღოს რუსული კანონი.
  • ამისთვის დღეს პარლამენტის პლენარულ სხდომათა დარბაზში კანონპროექტის პირველი მოსმენა მიმდინარეობს.

ჭიჭინაძის ქუჩაზე, პარლამენტის შენობის გვერდითა შესასვლელთან, პარტია ახალის ლიდერების მობილიზებას დაძაბულობა მოჰყვა. პოლიცია ადგილიდან მათ გაყვანას ცდილობდა.

ადგილზე ფიზიკური დაპირისპირებაც მოხდა. ამ წუთებში ჭიჭინაძის ქუჩა გადაკეტილია და მობილიზებულია საპოლიციო ძალები.