მოკლედ: 26 არასამთავრობო ორგანიზაციის განცხადებით, ქართული ოცნების მაღალჩინოსნების მხრიდან ევროკავშირში გაწევრების საწინააღმდეგო რიტორიკა კონსტიტუციისა და ქართველი ხალხის ღალატია.

რა მოხდა: გუშინ, 11 აპრილს, ქართულმა ოცნებამ ფეისბუქის ოფიციალურ გვერდზე გამოაქვეყნა პარტიის გენერალური მდივნის, თბილისის მერის, კახა კალაძის განცხადება.

  • "არც ერთი გაერთიანება არ მიღირს ჩემი ქვეყნისა და ხალხის ინტერესების დასათმობად", — განაცხადა კალაძემ.

დეტალები: ორგანიზაციები აცხადებენ, რომ ქართული ოცნება ანტიდასავლურ გზავნილებს უკვე ღიად ავრცელებს, მმართველი პარტიის მიერ რუსული კანონის ხელახლა მიღების მცდელობით და საქართველოს ევროპელი და ამერიკელი მეგობრების მოწოდებების უგულებელყოფით კი, ოცნება საქართველოს დასავლური კურსის შეცვლას ცდილობს.

განცხადებაში არასამთავროები ხელისუფლებას ახსენებენ, რომ

  • საქართველოს ევროატლანტიკური კურსი ქართველი ხალხის ურყევი ნება და არჩევანია, რაც საქართველოს კონსტიტუციის 78-ე მუხლშია განმტკიცებული: "ეს მუხლი ხელისუფლებას ავალდებულებს, ყველა ზომა მიიღოს ევროკავშირსა და ნატოში გასაწევრიანებლად".

ფოტო: საკანონმდებლო მაცნე

ხელმომწერი ორგანიზაციები არიან:

  • ადამიანის უფლებათა ცენტრი
  • დემოკრატიის კვლევის ინსტიტუტი
  • დემოკრატიის მცველები
  • ევროპის ფონდი
  • ეკონომიკური პოლიტიკის კვლევის ცენტრი
  • მიშგოვ ლარდა (ზემო სვანეთი)
  • პარტნიორობა ადამიანის უფლებებისთვის
  • პლატფორმა სალამ
  • რეფორმებისა და კვლევის ჯგუფი (RRG)
  • საბჭოთა წარსულის კვლევის ლაბორატორია
  • საერთაშორისო გამჭვირვალობა-საქართველო
  • სამოქალაქო იდეა
  • სამოქალაქო საზოგადოების ფონდი
  • სამოქალაქო ჩართულობისა და აქტივიზმის ცენტრი (CEAC)
  • სასამართლოს გუშაგი
  • საფარი
  • საქართველოს დემოკრატიული ინიციატივა
  • საქართველოს მომავლის აკადემია
  • ქალთა ინიციატივების მხარდამჭერი ჯგუფი
  • ქალთა ფონდი საქართველოში
  • ყვარლის ევროკლუბი
  • წამების მსხვერპლთა ფსიქოსოციალური და სამედიცინო რეაბილიტაციის ცენტრი
  • იორმუღანლოს სათემო ცენტრი
  • თაობათა გაძლიერების ქსელი (GEN)
  • წერტილი
  • Tbilisi Pride
  • მწვანე ალტერნატივა.