რა ხდება: ღაზის სექტორში დაღუპულთა რაოდენობამ 29 ათასს გადააჭარბა.

  • ინფორმაციას პალესტინის ჯანდაცვის სამინისტრო ავრცელებს.

დეტალები: უდიდესი მსხვერპლის და საერთაშორისო ზეწოლის მიუხედავად, ისრაელის პრემიერ-მინისტრი, ბენიამინ ნეთანიაჰუ ამბობს, რომ შეტევა "სრულ გამარჯვებამდე" გაგრძელდება.

  • არის საშიშროება, რომ დაღუპული პალესტინელების რაოდენობა კიდევ უფრო გაიზარდოს.
  • გასულ კვირას, ნეთანიაჰუმ თქვა, რომ ისრაელის შეიარაღებული ძალები მალე სამხრეთით მდებარე ქალაქ რაფაში შევლენ.
  • ეს ქალაქი ეგვიპტის საზღვართან მდებარეობს და მას თავს 1.5 მილიონამდე პალესტინელი აფარებს.
  • რაფაში მოსახლეობა ღაზის ჩრდილოეთიდან, ისრაელის მიერ ევაკუაციის გამოცხადების შემდეგ გამოიქცა.
  • დაღუპულ პალესტინელთა, დაახლოებით, ორი მესამედი ქალები და ბავშვები არიან. დაჭრილების რაოდენობა კი 69 ათასს აღემატება.
  • ღაზის საავადმყოფოები გადატვირთულია და ისრაელის დარტყმების გამო, მხოლოდ ნაწილობრივ ფუნქციონირებს.

ბოლო ხაზი: ომი ღაზის სექტორში 7 ოქტომბერს დაიწყო, მას შემდეგ, რაც ჰამასის წევრები ისრაელის ტერიტორიაზე შეიჭრნენ, მოკლეს 1200-მდე ადამიანი და 250 კაცი, ქალი და ბავშვი ტყვედ აიყვანეს.