მოკლედ: საქართველოს ახალგაზრდა იურისტთა ასოციაციამ (საიამ) ნატა ფერაძის 5-დღიანი პატიმრობის გადაწყვეტილება სააპელაციო სასამართლოში გაასაჩივრა.

დეტალები: ჯუბა ქათამაძემ, რომელიც ნატა ფერაძის ადვოკატია, On.ge-ს უთხრა, რომ სააპელაციო სასამართლოში სარჩელი გუშინ, 2 თებერვალს, 17:00 საათისთვის შეიტანეს.

  • "სარჩელის დასაშვებობა 24 საათში უნდა გადაწყდეს, ამიტომ, სავარაუდოდ, დღეს გახდება ცნობილი სააპელაციოს პასუხი", — გვითხრა ჯუბა ქათამაძემ.
  • მისივე თქმით, იმ შემთხვევაში თუ სააპელაციომ სარჩელი დასაშვებად ცნო, 48 საათში სასამართლო პროცესი ჩაინიშნება.

ბოლო ხაზი: 2 თებერვალს ნატა ფერაძე ადმინისტრაციულ სამართალდარღვევათა კოდექსის 1662-ე მუხლით დააკავეს. საგულისხმოა, რომ

  • ეს მუხლი, 5-დღიან პატიმრობასთან ერთად, ასევე ითვალისწინებს პირის დაჯარიმებას 500 ლარის ოდენობით, თუმცა, სასამართლომ ფერაძის დაპატიმრების გადაწყვეტილება მიიღო.
  • საიას თქმით, მოსამართლე ნინო შჩერბაკოვმა არ განმარტა, რატომ მიიჩნია დანაშაულის პროპორციულ ზომად ნატა ფერაძისთვის 5-დღიანი პატიმრობის შეფარდება და არა — ფულადი ჯარიმა, რასაც ასევე ითვალისწინებს მუხლი.

მსგავსი: რა გავიგეთ ნატა ფერაძისგან, ვიდრე მას საპატიმროში გადაიყვანდნენ — აქტივისტი გასაჩივრებას აპირებს