მოკლედ: ჯუანშერ ბურჭულაძის თქმით, იმის მიუხედავად, რომ პრემიერობის კანდიდატმა, ირაკლი კობახიძემ მას თანამდებობაზე დარჩენა შესთავაზა, ის მთავრობის შემადგენლობაში ყოფნას აღარ აპირებს.

  • მისივე თქმით, მას აქვს ნატო-ში საქართველოს ელჩის თანამდებობაზე დანიშვნის შეთავაზება, რასაც, "სავარაუდოდ, დათანხმდება".

დეტალები: ჯუანშერ ბურჭულაძე, რომელიც თავდაცვის მინისტრის თანამდებობას 5 წლის განმავლობაში იკავებდა, ამბობს, რომ პოსტიდან წასვლა, ჯერ კიდევ თავდაცვის კოდექსის მიღების შემდეგ სურდა, თუმცა ღარიბაშვილმა მას სთხოვა, ჯერ არ მიეღო გადაწყვეტილება.

  • "მივიღე შემოთავაზება, რისთვისაც მადლობას ვუხდი ახალ პრემიერს, ირაკლი კობახიძეს - განვიხილო ნატოში საქართველოს ელჩობის თანამდებობა. ამ თანამდებობას, სავარაუდოდ, დავთანხმდები, თუმცა მაქვს ფიქრის დრო.
  • ეს 4 თვე იქნება ჩემთვის ამ 13-წლიანი საჯარო მოხელეობის შემდეგ, დასვენების პერიოდი, ასევე მივიღებ გადაწყვეტილებას, გავაგრძელებ თუ არა დიპლომატიურ სამსახურს“, — თქვა
    მან.

ბოლო ხაზი: ირაკლი კობახიძემ, ქართული ოცნების ყრილობაზე, მას შემდეგ რაც ის ოფიციალურად დაასახელეს პრემიერობის კანდიდატად, თქვა, რომ თანამდებობაზე დარჩენა ყველა მინისტრს შესთავაზა, თუმცა უარი მხოლოდ ჯუანშერ ბურჭულაძისგან მიიღო.