მოკლედ: საქართველოს სახალხო დამცველმა ლევან იოსელიანმა ხელი მოაწერა ბრძანებას, რომლის თანახმად, აპარატი მიხეილ სააკაშვილის ჯანმრთელობის შეფასების მიზნით შექმნილ ექსპერტთა ჯგუფთან თანამშრომლობას აგრძელებს.

  • ინფორმაციას საქართველოს სახალხო დამცველი ავრცელებს.

რა ფუნქცია აქვს სამედიცინო ჯგუფს: ჯგუფი, რომელიც 2021 წლის ნოემბრიდან ფუნქციონირებს, პერიოდულად ამოწმებს მიხეილ სააკაშვილის მდგომარეობას, ეცნობა სამედიცინო დოკუმენტაციას და აქვეყნებს დასკვნებს.

  • სახალხო დამცველი აპარატის მიხედვით, ამ ეტაპზე ექიმთა კონსილიუმს 11 დასკვნა აქვს მომზადებული.

ვინ არიან ექიმ-ექსპერტთა ჯგუფის წევრები: სახალხო დამცველის აპარატის ინფორმაციით, ჯგუფის წევრები არიან:

  • ნევროლოგი თენგიზ წულაძე, კარდიოლოგი გიორგი კაჭარავა, ანესთეზიოლოგი რეანიმატოლოგი გიორგი გრიგოლია, ჰემატოლოგი, კლინიკური ონკოლოგი, ინტერნისტი და პალიატიური მედიცინის სპეციალისტი აიდა გოზალოვა,
  • ასევე, ენდოკრინოლოგი ნინო ზავრაშვილი, კარდიოლოგ-არითმიოლოგი გიორგი პაპიაშვილი და თერაპევტი, შინაგანი სნეულებებისა და ჰოსპიტალური მედიცინის
    სპეციალისტი გრიგოლი ხურციძე.