მოკლედ: მოსასმენი აპარატურა იპოვეს უკრაინის შეიარაღებული ძალების მთავარსარდლის, ვალერი ზალუჟნის იმ კაბინეტში, სადაც მას, დღეს დილის 7 საათზე შეხვედრა უნდა გაემართა.

  • ამის შესახებ ზალუჟნიმ ჟურნალისტებს უთხრა.

დეტალები: გენერალ ზალუჟნის თქმით, აპარატურა, შემოწმების დროს იპოვეს.

  • ამასთან, მან თქვა, რომ არის რამდენიმე კაბინეტი, რომელშიც ის არ მუშაობს და ეს ოთახიც ერთ-ერთია მათ შორის.
  • ზალუჟნის განმარტებით, კაბინეტში, სადაც მოწყობილობა იპოვეს, ის დიდი ხანია, არ ყოფილა.
  • ასევე, ის არ ფიქრობს, რომ აპარატურა, შესაძლებელი იყო, გენერალური შტაბის რომელიმე თანამშრომელს დაემონტაჟებინა.
  • მთავარსარდალი ამბობს, რომ ინციდენტს "ომად" აფასებს. მისივე თქმით, გამოძიება დაადგენს, როგორ აღმოჩნდა მოსასმენი მოწყობილობა მის კაბინეტში.
  • ზალუჟნის ეჭვი ეპარება, რომ ამ კაბინეტში სახელმწიფო საიდუმლოების შესახებ ვინმეს ესაუბრა.
  • "ეს ოთახი ადრეც გამოიყენებოდა, თუმცა უკვე დიდი ხანია, იქ აღარ ვყოფილვარ. როგორც ჩანს, ჩემი შეხვედრისთვის ემზადებოდნენ", — თქვა მან.

ბოლო ხაზი: მოსასმენი აპარატურა უკრაინის შეიარაღებული ძალების მთავარსარდლის ოთახში გუშინ იპოვეს.

მომხდართან დაკავშირებით აღძრულია სისხლის სამართლის საქმე.