რა ხდება: უკრაინის პრეზიდენტმა, ვოლოდიმირ ზელენსკიმ თქვა, რომ ქვეყანა ღიაა ნებისმიერი ქვეყნის სამშვიდობო ინიციატივისთვის, თუ ეს ინიციატივები ითვალისწინებს რუსული ჯარების უკრაინის ტერიტორიიდან სრულ გაყვანას.

დეტალები: ზელენსკის თქმით, ომის შეწყვეტასთან დაკავშირებით შუამავლობაზე ისაუბრა ჩინეთის, აფრიკის ქვეყნების და სხვა სახელმწიფოების ლიდერებთან.

  • ის დარწმუნებულია, რომ ნებისმიერი სახის ტერიტორიული კომპრომისის შემთხვევაში, ბევრი სხვა ქვეყნის ტერიტორიული მთლიანობა დადგება რისკის ქვეშ.
  • უკრაინის პრეზიდენტი ამტკიცებს, რომ ომი უნდა დასრულდეს უკრაინის სუვერენული ტერიტორიიდან რუსული ჯარების გასვლით.

"რუსი ჯარისკაცები მათ მიწაზე უნდა დაბრუნდნენ. ეს იქნება წერტილი, რომელიც დაასრულებს ომს", — თქვა ზელენსკიმ.

ბოლო ხაზი: მედიასაშუალებები წერდნენ, რომ აშშ-სა და ევროკავშირის წარმომადგენლებმა დაიწყეს განხილვა უკრაინასთან, რუსეთთან სამშვიდობო მოლაპარაკებების აუცილებლობაზე.

  • ვრცელდებოდა ინფორმაცია, რომ უკრაინას ექნებოდა დრო, სულ მცირე, წლის ბოლომდე, ვიდრე უფრო აქტიური დისკუსიები დაიწყებოდა სამშვიდობო მოლაპარაკებების თაობაზე.
  • აშშ-ის სახელმწიფო დეპარტამენტში თქვეს, რომ ამ სამშვიდობო მოლაპარაკებების შესახებ მათ ინფორმაცია არ ჰქონდათ და აღნიშნეს, რომ ნებისმიერი მოლაპარაკების დაწყება მხოლოდ უკრაინის გადასაწყვეტია.