დეტალები:

  • ევრონიუსი ეგვიპტის სახელისუფლებო მედიაზე დაყრდნობით წერს, რომ რაფას გამშვები პუნქტი, რომელიც ღაზას ეგვიპტესთან აკავშირებს, დღეს რამდენიმე საათით გაიხსნება.
  • უკვე რამდენიმე დღეა, ეგვიპტის მხარეს, საზღვართან, ჰუმანიტარული დახმარებით დატვირთული 100-ზე მეტი სატვირთო მანქანა დგას.
  • BBC წერს, რომ გამშვები პუნქტი, ისრაელის ავიახაზების დარტყმების შედეგად, ძალიან დაზიანებულია. ეგვიპტე ცდილობს, დაზიანებული ინფრასტრუქტურა მოაწესრიგოს ისე, რომ 20-მა სატვირთო მანქანამ მაინც შეძლოს დღეს შესვლა.
  • ისრაელი აცხადებს, რომ თანახმაა, ღაზის სექტორში შევიდეს საკვები, წყალი და მედიკამენტები. საწვავს, რომელიც სასიცოცხლოდ მნიშვნელოვანია საავადმყოფოებისთვის, მოლაპარაკება არ ითვალისწინებს.

არის თუ არა სხვა გზა, რომლითაც ღაზის სექტორს დახმარება შეუძლია: რაფას სასაზღვრო გამშვები პუნქტი ღაზის სექტორსა და ეგვიპტეს აკავშირებს ერთმანეთთან.

  • მის გარდა, ღაზაში შესასვლელი კიდევ ორი პუნქტია — ერეზი და კერიმ-შალომი, რომლებითაც ის ისრაელს უკავშირდება და ორივე მათგანი დაკეტილია.
  • რაფა ერთადერთია, საიდანაც ახლა ღაზაში ჰუმანიტარული ტვირთის შეტანაა შესაძლებელი.