მოკლედ: მედიის ინფორმაციით, პოლიციამ მოკლა მამაკაცი, რომელიც ბრიუსელის ცენტრში ადამიანებს თავს დაესხა, შვედეთის 2 მოქალაქე მოკლა, ერთი ადამიანი კი დაჭრა. ბელგიელმა სამართალდამცველებმა ინციდენტის შესახებ ინფორმაცია გაავრცელეს, თუმცა, ჯერჯერობით, არ ადასტურებენ, არის თუ არა მოკლული თავდამსხმელი.

რა მოხდა ბრიუსელში გასულ ღამეს:

  • ქალაქის ცენტრში უცნობმა პირმა ცეცხლი გახსნა.
  • ინტერნეტში გამოქვეყნებულ ვიდეოში თავდამსხმელი საკუთარ თავს ისლამური სახელმწიფოს წევრად აცხადებს და ამბობს, რომ თავდასხმაზე პასუხისმგებლობას ISIS იღებს.
  • თავდასხმა ევრო 2024-ის შესარჩევი მატჩის დაწყების წინ მოხდა, ერთმანეთს ბელგიისა და შვედეთის საფეხბურთო გუნდები უნდა დაჰპირისპირებოდნენ.
  • შეიარაღებულმა პირმა მიმალვა შეძლო, პოლიციამ მოსახლეობას მოუწოდა, სახლებში დარჩენილიყვნენ და სიფრთხილე გამოეჩინათ.
  • ბელგიელი სამართალდამცველების თქმით, არ არსებობს არანაირი მტკიცებულება, რომ თავდამსხმელს რაიმე კავშირი ჰქონდეს ისრაელი-პალესტინის მიმდინარე კონფლიქტთან.