პარტია ქართული ოცნების ერთ-ერთმა ლიდერმა, დეპუტატმა მამუკა მდინარაძემ განაცხადა, რომ ყოფილი პრემიერი ბიძინა ივანიშვილი თვითმმართველობის საარჩევნო კამპანიაში არ ჩაერთვება. თუმცა, მისივე თქმით, თუკი ივანიშვილი ჩაერთვება, ეს პოზიტივის მეტს არაფერს მოუტანს მათ პარტიასა და მმართველ გუნდს:

"ბუნებრივია, ბატონი ბიძინა მოწვეული უნდა იყოს, თუმცა არ მაქვს ინფორმაცია დაესწრება თუ არა ის დღეს მერობის კანდიდატის წარდგენას".

დღეს, პირველ ივლისს, ქართული ოცნების პოლიტსაბჭოს წევრებმა ერთხმად დაუჭირეს მხარი ვიცე-პრემიერ კახა კალაძის კანდიდატურას, თბილსიის მერის არჩევნებისთვის. გიორგი კვირიკაშვილი 20 საათზე წარადგენს მას ოფიციალურად. ცერემონიალი მთაწმინდის პარკში გაიმართება.

საქართველოს პრეზიდენტის, გიორგი მარგველაშვილის განცხადებით, მთავრობასთან შეთანხმებით გადაწყდა, რომ თვითმმართველობის არჩევნები ოქტომბრის მესამე კვირის ბოლოს გაიმართება.