"შესაძლებლობები უსაზღვროა, მთავარია არ გაჩერება და დასახული მიზნისკენ სწრაფვა", — სწორედ ამ გზავნილებს ავრცელებს საქართველოს ბანკი, რომელიც ახალგაზრდებისთვის შესაძლებლობების შექმნას აქტიურ რეჟიმში განაგრძობს.

ნიჭიერი, მიზანდასახული და შრომისმოყვარე ახალგაზრდებისთვის ბანკი 2017 წლიდან სტუდენტური დასაქმების პროგრამა ლიდერატორს ახორციელებს. დღეისათვის მასში მონაწილეობა 295-ზე მეტმა ახალგაზრდამ მიიღო, რომელთა უმრავლესობა ახლა კარიერას საქართველოს ბანკში აგრძელებს.

ლიდერატორის პროგრამის ყოფილი მონაწილეა ლადო ტყემალაძეც, რომელიც ამჟამად ასოცირებული კორპორაციული ანალიტიკოსის პოზიციაზე მუშაობს კორპორაციულ საბანკო დეპარტამენტში.

როგორც იხსენებს, სტუდენტური დასაქმების პროგრამის შესახებ უფროსი მეგობრებისგან გაიგო, რომლებმაც საქართველოს ბანკში მუშაობა პროგრამის დასრულების შემდეგ დაიწყეს.

"ჩემი მეგობრების დადებითმა გამოცდილებამ, ჩემში ლიდერატორის მიმართ დიდი ინტერესი გამოიწვია. თავისუფალი უნივერსიტეტის ბიზნესის სკოლის (ESM) მესამე კურსის სტუდენტი (ფინანსების კონცენტრაციით) ვიყავი, როდესაც აპლიკაციის შევსება გადავწყვიტე. ჩემს მიზანს ლიდერატორში მოხვედრა წარმოადგენდა", — იხსენებს ლადო.

მისი თქმით, როტაციის შესაძლებლობა ის ერთ-ერთი მთავარი ფაქტორი იყო, რომელმაც პროგრამაში მონაწილეობის პერსპექტივა მისთვის კიდევ უფრო მეტად ღირებული გახადა.

"როტაცია ნიშნავს, რომ ერთი პროგრამის ფარგლებში შეგიძლია ერთმანეთთან დაკავშირებული, თუმცა, სხვადასხვა სპეციფიკის მქონე დეპარტამენტების შიდა სამზარეულოს გაეცნო. ხოლო ფაქტი, რომ ლიდერატორი სრულად მორგებულია სტუდენტის სასწავლო გრაფიკზე კიდევ ერთი მნიშვნელოვანი ფაქტორი აღმოჩნდა გადაწყვეტილების მიღების პროცესში", — განმარტავს ლადო.

მისი პირველი როტაცია გალტ & თაგარტის საინვესტიციო ბანკინგის (IB) მიმართულებით იყო. 10 თვის განმავლობაში მან 5 სხვადასხვა დეპარტამენტში მიიღო მუშაობის გამოცდილება.

"როტაციების საშუალებით კომპლექსური პროცესის დეკომპოზიცია მოხდა, რამაც შესაძლებლობა მომცა სრული სურათი დამენახა და ამომერჩია ის საქმე, რომელიც ჩემთვის უფრო საინტერესო იქნებოდა. გარდა პროფესიული გამოცდილებისა, დეპარტამენტების ცვლილების შედეგად გავიცანი უამრავი ადამიანი, რომლებიც მზად იყვნენ საკუთარი გამოცდილება გაეზიარებინათ", — აღნიშნავს ლადო.

როგორც ამბობს, როტაციის დასრულების შემდეგ, საბოლოო არჩევანი მან კორპორაციული ანალიტიკის დეპარტამენტზე გააკეთა. ამბობს, რომ წლების გასვლასთან ერთად ლიდერატორი მუდმივად ვითარდება, ყოველწლიურად ხდება ახალი პროგრამების დამატება, რაც პირდაპირპროპორციულად საკუთარი თავის აღმოჩენის უფრო მეტ შესაძლებლობასთან ასოცირდება.

ამიტომ, თითოეულ ახალგაზრდას, რომელიც ახლა იწყებს კარიერულ წინსვლას, ურჩევს, აუცილებლად მიიღონ ლიდერატორის პროგრამაში მონაწილეობა და საკუთარი ინტერესები ერთ კონკრეტულ როტაციას მოარგონ.

"უნივერსიტეტში სწავლის პარალელურად, სტუდენტები შეძლებენ, რომ თეორიული ცოდნა სამუშაო პროცესში გადაიტანონ და საკუთარი თავი პრაქტიკულ დავალებებში გამოცადონ. რეგულარული უკუკავშირის მიღება კი ლიდერატორებს დაეხმარება, ყოველი ახალი დღე განსხვავებული უნარისა და ცოდნის მომტანი გახადონ", — ამბობს ლადო.