რა მოხდა: 13 ივნისს სოციალურ ქსელში გავრცელდა ფოტოები, სადაც კვების ობიექტის, მაკშაურმას, რუსულენოვანი ქვითრები ჩანს.

  • მომხმარებლები წერდნენ, რომ ბათუმის ფილიალში მდებარე თვითმომსახურების აპარატები შეკვეთებს რუსულად იღებდა და ქვითრებსაც ამავე ენაზე გასცემდა.

ფოტო: დავით ქაცარავა / ფბ

მაკშაურმა: მოქალაქეების პროტესტის შემდეგ კომპანია ირწმუნება, რომ რუსულ აგრესიას გმობენ, ოკუპაციას ემიჯნებიან და თვითმომსახურების ჯიხურიდან რუსული ენა ამოიღეს.

  • ამბობენ, რომ თვითმომსახურების აპარატებში რამდენიმე ენა იყო ჩაშენებული, რათა მომხმარებლებს შეკვეთა დამოუკიდებლად შესძლებოდათ.
  • "ჩვენი კომპანიის ღირებულებებიდან გამომდინარე, ქართული ენა არის და იქნება ერთადერთი მომსახურების ენა, ნებისმიერი ჩეკი კომპანიაში იბეჭდება მხოლოდ ქართულ ენაზე და მისი ჩანაცვლება არასდროს მომხდარა და არც მოხდება", — წერენ ისინი.