6 მაისს, 12:00 საათზე, ილიას სახელმწიფო უნივერსიტეტში ორგანიზაცია EVA-სა და ბრიტანულ-ქართული სავაჭრო პალატის მხარდაჭერით HCM metrics-ის დამფუძნებელი და ხელმძღვანელი დევიდ სიმონდსი სტუდენტებისთვის წაიკითხავს ლექციას თემაზე – "ადამიანური კაპიტალის ანგარიშგება, სტრატეგიული HR მართვა და HR მეტრიკები".

მომხსენებლის შესახებ

დევიდ სიმონდსი, HCM Metrics-ის და HR Analytics ჯგუფის თავმჯდომარე, პირველი HR პროფესიონალია, რომელმაც პროფესიული სერტიფიცირება მიიღო ISO 30414 ადამიანური კაპიტალის მენეჯმენტის ანგარიშგების სტანდარტის შესაბამისად.

HCM Metrics, რომლის დამფუძნებელიც არის დევიდ სიმონდსი, მსოფლიოში ISO 30414:2018-ის პირველი აკრედიტებული აუდიტორული კომპანიაა, რომელიც კომპანიებს პრინციპებზე, მონაცემებსა და მტკიცებულებებზე დაფუძნებულ და შედეგზე ორიენტირებულ გადაწყვეტილებებს სთავაზობს.

ლექციის შესახებ

კომპანიებს შეუძლიათ, რეალური სარგებელი მიიღონ ადამიანური კაპიტალის ანგარიშგების ეფექტურად განხორციელების შემთხვევაში, გავლენა იქონიონ ბიზნესპარტნიორებსა და მთავარ დაინტერესებულ მხარეებზე (სთეიქჰოლდერებზე), გაზარდონ კომპანიაში მონაცემებსა და მტკიცებულებებზე დაყრდნობით მიღებულ გადაწყვეტილებათა სიხშირე, გააძლიერონ თანამშრომლობა ტოპმენეჯმენტთან და კომუნიკაცია გამჭვირვალე და ეფექტური გახადონ.

სპიკერი მიმოიხილავს საერთაშორისო სტანდარტს „ISO 30414:2018 – ადამიანური კაპიტალის ანგარიშგება“, რომელიც ორგანიზაციებს აძლევს შესაძლებლობას, მკვეთრად გაზარდონ ადამიანური კაპიტალის რეალური წვლილი ბიზნესის წარმატებაში, და რომელიც აერთიანებს 60-მდე მეტრიკას 11 ძირითადი მიმართულებით (შესაბამისობა და ეთიკა; ხარჯი; მრავალფეროვნება; ლიდერობა; ორგანიზაციული კულტურა; ორგანიზაციული ჯანმრთელობა, უსაფრთხოება და კეთილდღეობა; პროდუქტიულობა; დაქირავება, მოქნილობა და ბრუნვა; უნარები და შესაძლებლობები; მემკვიდრეობის დაგეგმვა (succession planning); სამუშაო ძალის ხელმისაწვდომობა).

დრო: 6 მაისი, 12:00 საათი

ლექციის ფორმატი: ლექციაზე დასწრება შესაძლებელი იქნება როგორც ფიზიკურ სივრცეში, ასევე დისტანციურად (უზრუნველყოფილი იქნება LIVE ილიას სახელმწიფო უნივერსიტეტის ფეისბუქის გვერდზე)

Live-ღონისძიების ბმული ლექციაზე დისტანციურად დასწრების მსურველთათვის: https://bit.ly/44iUH4a

ადგილმდებარეობა ლექციაზე ფიზიკურ სივრცეში დასწრების მსურველთათვის: E207 აუდიტორია, ქ. ჩოლოყაშვილის გამზ. N3/5 (ვაკის პარკის გადმოსწვრივ)

სამუშაო ენა: ინგლისური

დასწრება თავისუფალია.