გორის საქალაქო სასამართლომ ირაკლი ოქრუაშვილის განზრახ მკვლელობის მცდელობისთვის პირს 17-წლიანი პატიმრობა მიუსაჯა. ამავე პირს ბრალი კიდევ ორი პირის მკვლელობისთვის ედება. სასამართლომ ამ გადაწყვეტილებით სრულად გაიზიარა პროკურატურის შუამდგომლობა. სასამართლოს გადაწყვეტილების შესახებ ინფორმაცია მთავარი პროკურატურა ავრცელებს.

შსს-მ ირაკლი ოქრუაშვილზე თავდასხმაში ბრალდებული, წარსულში ნასამართლევი პირი, 2016 წლის ოქტომბერში გორში დააკავა.

უწყების მტკიცებით, გამოძიებამ დაადგინა, რომ დაკავებულმა მიმდინარე წლის 2 ოქტომბერს გორში, რკინიგზის დასახლებაში, გორის მაჟორიტარობის კანდიდატის - ირაკლი ოქრუაშვილის მოსახლეობასთან წინასაარჩევნო შეხვედრის დროს, მოქალაქეების მიმართულებით ცეცხლი გახსნა, 2 პირი დაჭრა და შემთხვევის ადგილიდან მიიმალა.

ბრალდებული შიდა ქართლის პოლიციის დეპარტამენტში გამოცხადდა, სადაც ჩატარებული საგამოძიებო მოქმედებების შედეგად დააკავეს. უწყების ინფორმაციით, დაკავებული ჩადენილ დანაშაულს აღიარებდა.

გამოძიება დამამძიმებელ გარემოებაში განზრახ მკვლელობის მცდელობის და ცეცხლსასროლი იარაღის მართლსაწინააღმდეგო შეძენა-შენახვა-ტარების საქმეზე ჩატარდა.