რატომ არის მნიშვნელოვანი: კოსოვო დასავლეთ ბალკანეთის ერთადერთი ნაწილია, რომელსაც შენგენის ზონასთან უვიზო მიმოსვლა არ აქვს.

  • ევროპარლამენტარები კოსოვოსთან ვიზალიბერალიზაციას 2016 წლიდან უჭერენ მხარს.
  • უვიზო მიმოსვლა ძალაში მას შემდეგ შევა, რაც ევროპის სამოგზაურო ინფორმაციისა და ავტორიზაციის სისტემა (ETIAS) ამოქმედდება — არაუგვიანეს 2024 წლიდან.

დეტალები: კოსოვოსთან ვიზალიბერალიზაციას ევროპარლამენტმა მხარი გუშინ, 18 აპრილს დაუჭირა.

  • რეგულაციას დღეს ევროპარლამენტის პრეზიდენტი, რობერტა მეცოლა და ევროპული საბჭოს თავმჯდომარე ქვეყნის, შვედეთის წარმომადგენელი მოაწერენ ხელს.
  • შედეგად, კოსოვოს მოქალაქეებს ევროკავშირში 180-დღიან პერიოდში 90 დღით უვიზოდ მოგზაურობა შეეძლებათ.
  • კოსოვომ დამოუკიდებლობა 2008 წელს გამოაცხადა. ამჟამად მის დამოუკიდებლობას ევროკავშირის წევრი 5 ქვეყანა არ აღიარებს, ესენია — კვიპროსი, საბერძნეთი, რუმინეთი, სლოვაკეთი და ესპანეთი.