ამის შესახებ ის მთავარ არხთან საუბრობს.

რატომ არის მნიშვნელოვანი: რუსული კანონის საწინააღმდეგო აქცია სპეცრაზმმა ძალის გამოყენებით დაშალა.

  • აქციის ერთ-ერთმა მონაწილეს, ზაზა ბირიაშვილს სახეში ესროლეს, რის შედეგადაც მან ცალ თვალში მხედველობა დაკარგა.
  • ვოლსკი აქციაზე დაშავებულ მოქალაქეზე ამბობს, რომ "მხედველობის დაკარგვაზე გარკვეული კითხვები არსებობს".
  • მისივე მტკიცებით, პოლიციაც "ლოიალური დამოკიდებულება" ჰქონდა. მისივე თქმით, ოპოზიციას სურს, რომ ხელისუფლება მონსტრად წარმოაჩინოს, თუმცა "მათთვის სამწუხაროდ", ეს არ ხდება.
  • "არავინ არ მოკვდა, არავინ არ გარდაიცვალა", — დაამატა მან.

დეტალები: ზაზა ბარიაშვილი ეხმაურება გია ვოლსკის განცხადებას და ამბობს, რომ მასთან კითხვების დასასმელად არავინ მისულა.

  • "მოვიდნენ და დამისვან კითხვები, კაციშვილი არ მოსულა და არაფერი უკითხავს მთავრობიდან", — თქვა მან.
  • ის ვერ ამბობს, გამიზნული ნასროლი მოხვდა თუ არა, მაგრამ განმარტავს, რომ გვერდულად იდგა და ზევიდან გაისროლეს.
  • "გასროლა და მოხვედრა ერთი იყო, რა მომხვდა და რა გაისროლეს, არ ვიცი. მე მგონი, უფრო ის, კვამლს რომ უშვებს, ცრემლსადენი გაზი", — ამბობს ბირიაშვილი.