ქართველმა სპორტსმენმა, თეოდორა კახიანმა ხმლით ფარიკაობაში ოქროს მედალი მოიპოვა და ევროპის ჩემპიონი გახდა.

მოფარიკავემ, 12 ივნისს, ნახევარფინალური შეხვედრა უნგრელ ლიზა პუსტალს 15:12 მოუგო, ფინალურ დაპირისპირებაში კი იტალიელი როსელა გრეგორიო 15:8 დაამარცხა.

თეოდორა კახიანი არის პირველი მოფარიკავე, რომელმაც საქართველოს სახელით ევროპის ჩემპიონატი მოიგო.

ჩემპიონატი 12-17 ივნისს Check in Georgia-ს ფარგლებში ტარდება და მასში მონაწილეობას მიიღებს 40 ქვეყნის 408 სპორტსმენი.