ყველას გვქონია მომენტი, როცა რაღაც იდეა ჭკუაში დაგვიჯდა, მაგრამ ჩავთვალეთ, რომ ჩიტი ბრდღვნად არ ღირს ან იქნებ ყოველდღიურ რუტინაში, წვრილმან საქმეებში თავჩარგულებმა მიზანს მომწიფების საშუალება არ მივეცით.

მთების გადადგმა არც ისე რთულია, თუ საკუთარ გულის ხმას მიჰყვები, მიზნის შესასრულებლად თავს გადადებ და პირველივე წარუმატებლობაზე ყურებს არ ჩამოყრი. ამ სტატიაში 5 რჩევას მოგცემთ, რომლებიც მთების გადადგმას გაგიმარტივებს.

1. თუ იდეა ჭკუაში დაგიჯდა, ცდად ღირს

ხშირად გვაქვს იდეა, რომელიც მოსვენებას გვიკარგავს და გამუდმებით მის შესრულებაზე ვფიქრობთ, თუმცა ეჭვი გვეპარება, რამდენად შესაძლებელია მისი რეალობად ქცევა. გახსოვდეს, რომ ხშირად ეჭვები, თავდაჯერების ნაკლებობა თუ მოტივაციის არქონა ხელს გვიშლის და საშუალებას არ გვაძლევს, რომ მართლაც გამორჩეული იდეა რეალობად ვაქციოთ, ამიტომ ნუ შეშინდები, გულისთქმას მიენდე და სცადე, იქნებ პროცესში მიხვდე, რომ სწორ გზას ადგახარ.

2. შეიძლება ერთი სული გაქვს, მაგრამ მიზნის მომწიფებას დრო სჭირდება

როგორც უკვე ვთქვით, იდეა, რომელიც ჭკუაში გვიჯდება, ცდად ღირს, მაგრამ ისიც არ დაივიწყო, რომ ხშირად ერთი სული გვაქვს, როდის მივაღევთ მიზანს და მას მომწიფების საშუალებას არ ვაძლევთ. სანამ აქტიურ მოქმედებას დაიწყებ, კარგად დაფიქრდი, ყველაფერი აწონ-დაწონე და მიზანს მომწიფების საშუალება მიეცი, ამის შემდეგ კი მისი შესრულებისთვის თავი გადადე.

3. გახსოვდეს, ჩიტი ბრდღვნად ღირს

ხშირად შრომის შედეგის დანახვისთვის დიდი დრო და თავდაუზოგავი მონდომებაა საჭირო და შეიძლება დემოტივირებულმა ისიც კი იფიქრო, რომ ჩიტი ბრდღვნად არ ღირს. გახსოვდეს, ეს ასე სულაც არაა — როცა ვიღლებით, ეჭვი გვჭამს, თუმცა ეს სამუშაოს შემადგენელი ნაწილია, რომელიც ახალ პერსპექტივას, სირთულეების გადაჭრის კრეატიულ გზებს გვიხსნის.

4. ნუ დაივიწყებ, რომ ჭია გაიხარო

იმ მომენტებში, როცა ჩათვლი, რომ ჩიტი ბრდღვნად არ ღირს, მოეშვი, საკუთარი ჭია გაახარე, საკუთარ თავს განტვირთვის საშუალება მიეცი და მხოლოდ ამის შემდეგ გააგრძელე შრომა მთების გადასადგმელად. ჭიის გახარება ზოგს ფუჭად დაკარგული დრო ჰგონია, მაგრამ, რეალურად, ეს საკუთარი სურვილების პატივისცემა და საკუთარ თავზე ზრუნვაც კი არის. მეტიც, ჭიის გახარება უცილებელია, რათა ძალების აღდგენა და გაათკეცებული სულისკვეთებით წინსვლა შევძლოთ.

5. თუ მოინდომებ, ვარსკვლავებთან თამაშს აუცილებლად შეძლებ!

იმისთვის, რომ მთების გადადგმა შეძლო, საქმისთვის თავი უნდა გადადო და არც ის უნდა დაივიწყო, რომ ამ პროცესში შეცდომების დაშვება, მოტივაციის დაკარგვა და ჩიხში შესვლაც ბუნებრივია. მთავარია მოინდომო, შრომა სასიამოვნო, თანმიმდევრულ პროცესად აქციო და ერთ დღეს ვარსკვლავებთან თამაშს აუცილებლად შეძლებ.

თუ იდეა ჭკუაში გიჯდება, ფიქრობ, რომ ჩიტი ბრდღვნად ღირს, საკუთარ ჭიასაც ახარებ და ვარსკვლავებსაც ეთამაშები, მაშინ სანერვიულო არაფერია. ნამდვილად სწორ გზას ადგახარ და გახსოვდეს, რაც უნდა მოხდეს, თიბისი დაზღვევის იმედი შეგიძლია ყოველთვის გქონდეს.