თურქეთის პრემიერ-მინისტრი, ბინალი იდლდირიმი საქართველოს პრემიერს, გიორგი კვრიკაშვილს მთავრობის ადმინისტრაციაში შეხვდა.

მთავრობის პრესსამსახურის ცნობით, საუბრის თემები ორ ქვეყანას შორის მეგობრული ურთიერთობების შემდგომი გაღრმავება და სტრატეგიული თანამშრომლობის ძირითადი მიმართულებები იყო:

"გიორგი კვირიკაშვილმა აღნიშნა, რომ საქართველოს მთავრობა დიდ მნიშვნელობას ანიჭებს თურქეთთან მეგობრული ურთიერთობის შემდგომ გაღრმავებას და ორ ქვეყანას შორის მჭიდრო თანამშრომლობაზე მიუთითებს საქართველო-თურქეთის მაღალი დონის სტრატეგიული თანამშრომლობის საბჭოს ფორმატიც, რომლის მეორე სხდომა დღეს გაიმართება."

საუბარი შეეხო საქართველოს, აზერბაიჯანსა და თურქეთს შორის ბაქო-თბილისი-ყარსის სარკინიგზო პროექტზე თანამშრომლობას. ასევე, ეკონომიკურ სფეროში თანამშრომლობის გაღრმავებას.

თურქეთის დელეგაცია პრემიერ-მინისტრ ბინალი ილდირიმის ხელმძღვანელობით თბილისს გუშინ, 22 მაისს ეწვია.