კომპანია ზედაზენის პორტფელს კიდევ ერთი პრემიუმ ბრენდი — Dilmah-ის ცივი ჩაი შეემატა. დილმა ნამდვილი ცეილონის ჩაის ნომერ პირველი მწარმოებელია შრი-ლანკაში. მის ხარისხს განსაზღვრავს შრი-ლანკის კლიმატი და ნიადაგი, რომელიც იდეალურია ჩაის მოსაყვანად. ამასთან ერთად, მწარმოებლები მცენარეს კრეფენ ხელით, რა დროსაც საუკეთესო ფოთლებსა და ყლორტებს არჩევენ. სწორედ ეს განაპირობებს პროდუქციის უნიკალურ გემოვნურ თვისებებსა და ხარისხსს. შედეგად, მიღებული პროდუქტი მდიდარია ბუნებრივი მცენარეული ანტიოქსიდანტებით.

მსოფლიოში საუკეთესო ჩაის წარმოების მრავალწლიანი გამოცდილების შემდეგ, Dilmah-ის პორტფოლიოში მზა ცივი ჩაის დამატებამ, კიდევ ერთხელ დაადასტურა კომპანიის სწრაფვა სრულყოფილებისკენ. ფუნქციური, მზა სასმელების ინდუსტრიაში Dilmah-ის გამოჩენა ახალი დღის წესრიგის შექმნას შეუწყობს ხელს. "გავხადოთ სამყარო უკეთესი" — ესაა Dilmah-ის განაცხადი.

"კომპანია ზედაზენს ბაზარზე ახალი კატეგორიის პროდუქტის შექმნისა და განვითარების უკვე მრავალწლიანი გამოცდილება აქვს. ჩვენ ყურადღებით ვეცნობით მსოფლიო ტენდენციებს და ვცდილობთ, მომხმარებელს ყოველთვის ყველაზე აქტუალური და ფუნქციური პროდუქტი შევთავაზოთ. "Dilmah Tea"-სთან პარტნიორობა, გვაძლევს საშუალებას ქართველ მომხმარებელს შევთავაზოთ მსოფლიოში ჩაის კატეგორიის ლიდერი ბრენდის მოთხოვნადი პროდუქტი. მეორე მხრივ, ჩვენი მიზანია, ქართული და რეგიონის ბაზრები უწყვეტად მოვამარაგოთ უმაღლესი ხარისხის პროდუქციით. "Dilmah Tea" გახლავთ უნიკალური, უმაღლესი ხარისხის ჩაის ფოთლებისაგან სპეციალური რეცეპტით მომზადებული ცივი ჩაი, რომლის გემოც უკვე კარგად ნაცნობია ევროპასა და ამერიკაში. დამზადებულია კონსერვანტებისა და მინარევების გარეშე. დილმას საკმაოდ მრავალფეროვანი ასორტიმენტი აქვს, რაც გულისხმობს სხვადასხვა სიძლიერის გემოსა და არომატს. ასეთი არჩევანი ბაზარზე იშვიათია ან საერთოდ არ არის. ამიტომ ვფიქრობთ, საქართველოში ამ ბრენდის გამოჩენა მნიშვნელოვანია ხარისხისა და ჩაის გემოს მოყვარულთათვის", — განაცხადა ქართული ლუდის კომპანიის — ზედაზენის დირექტორმა კახაბერ კოტრიკაძემ.

როგორც კომპანია ზედაზენში აცხადებენ, დილმასთან თანამშრომლობის გადაწყვეტილება, სწორედ მისი წარმოებული ჩაის მაღალმა ხარისხმა განაპირობა.

"ზედაზენის მრავალწლიანმა სამეწარმეო გამოცდილებამ და სანდოობის უმაღლესმა კოეფიციენტმა ქართულ და არა მხოლოდ ქართულ ბაზარზე, განაპირობა თანამშრომლობის გადაწყვეტილება. ჩვენთვის პრიორიტეტულია კომპანიის ტრადიციული ღირებულებები და შესაბამისად, დარწმუნებული ვარ, ჩვენი ერთობლივი, მართლაც უნიკალური პროექტი, საინტერესოდ და ქვეყნებისთვის სასარგებლოდ წარიმართება. Dilmah-ის საოჯახო მემკვიდრეობაში მზა ცივი ჩაის შემოტანა კიდევ ერთხელ ადასტურებს ჩვენს მუდმივ ვალდებულებას, მსოფლიოს შევთავაზოთ ფუნქციური სასმელების კატეგორია. ჩვენ ვიცით, რომ ჩვენი მომხმარებლები არჩევანს ჩვენს ბრედნზე აკეთებენ სასმელებს ფუნქციური უპირატესობებით და Dilmah Ready-To-Drink სერია სწორედ ისაა, რასაც ისინი ითხოვენ – ახალი გემრიელი და გამაგრილებელი ჩაი, რომელმაც გაიარა მინიმალური დამუშავება თავისი ბუნებრივი სიკეთის შესანარჩუნებლად", — განმარტა Dilmah Ceylon Tea Company-ის აღმასრულებელმა დირექტორმა და სამეთვალყურეო საბჭოს წევრმა როშან ტისაარაჰმა.

მომხმარებელი დახლებზე Dilmah's Ready-to-Drink სერიის 3 სახეობის დებიუტანტ გემოს იხილავს:

• ცივი ჩაი ატმის არომატით და გემოთი
• ცივი ჩაი ტროპიკული ხილის არომატით და გემოთი
• ცივი ჩაი ალოე ვერეს გემოთი