2010 - 2017 წლებში მოქალაქეებმა პოლიციის საქმიანობა ყველაზე ცუდად წელს და შარშან შეაფასეს. ასეთია NDI-ის კვლევის შედეგები, რომლის პრეზენტაციაც რამდენიმე წუთის წინ დასრულდა.

წელს გამოკითხული მოქალაქეების მხოლოდ 38 პროცენტი აფასებს პოლიციის საქმიანობას დადებითად, 43 კი - საშუალოდ. მოქალაქეთა ყველაზე დიდი წილი პოლიციის საქმიანობას უარყოფითად 2016 წლის მარტში ასახელებდა, ამავე პერიოდში ყველაზე ცოტა მიიჩნევდა ამ უწყების საქმიანობას დადებითად.

პოლიციის საქმიანობას თითქმის 70 პროცენტი აფასებდა დადებითად 2012 წლის თებერვალში. ამ პერიოდში ამ უწყების საქმიანობა მოქალაქეების დაახლოებით 5-მა პროცენტმა შეაფასა უარყოფითად.

NDI-ში აღნიშნავენ, რომ ყველა ტალღა წარმოდგენილობითია ქართულენოვანი მოსახლეობის. 2015 წლის აპრილის, 2016 წლის მარტისა და 2017 წლის აპრილის კი ასევე წარმომადგენლობითია უმცირესობათა დასახლებების.

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.