გონიოში, ცენტრალურ საავტომობილო გზაზე მსუბუქი ავტომობილების შეჯახების შედეგად ორი ადამიანი გარდაიცვალა. შინაგან საქმეთა სამინისტროს პრესსამსახურმა On.ge-ის უთხრა, რომ შემთხვევა დღეს მოხდა.

შსს-ს ცნობით, მომხდართან დაკავშირებით, გამოძიება სისხლის სამართლის კოდექსის 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ორი ან მეტი პირის სიცოცხლის მოსპობა გამოიწვია.