აშშ-ის სახელმწიფო მდივნის, ენტონი ბლინკენის განცხადებით, ყურადღებით უნდა იყვნენ იმ ქვეყნების მიმართ, რომლებიც რისკის ქვეშ არიან. ბლინკენმა ამის შესახებ მოლდოვასა და საქართველოზე დასმული კითხვის საპასუხოდ ისაუბრა.

"რაც შეეხება, საქართველოსა და მოლდოვას. მე ვიზიარებ თქვენს შეშფოთებას იმასთან დაკავშირებით, რომ ისინი მოწყვლად პოზიციაში არიან. ჩვენ ორივესთან ძალიან ახლოს ვთანამშრომლობთ [...] თუმცა რაც თქვენ აღნიშნეთ, სწორია — ჩვენ ყურადღებით უნდა ვიყოთ იმ ქვეყნების მიმართ, რომლებიც რისკის ქვეშ არიან. პარალელურად, გვესმის მოლდოვასა და დნესტრისპირეტში განვითარებული მოვლენების შესახებ. ამასაც ყურადღებით ვადევნებთ თვალს", — თქვა მან.

უკრაინაში რუსეთის შეჭრიდან 2 თვის შემდეგ აფეთქებების ხმა დნესტრისპირეთიც იყო. მანამდე უკრაინის პრეზიდენტის ადმინისტრაციის ხელმძღვანელის მრჩეველი მიხაილო პოდოლიაკი ამბობდა, რომ მოსკოვის მადა იზრდება და რუსული არმიის შემდეგი სამიზნე მოლდოვა იქნება.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში