დაავადებათა კონტროლის ეროვნული ცენტის ხელმძღვანელის, ამირან გამყრელიძის განცხადებით, თუ ვირუსის ევოლუციაში რამე ექსტრაორდინარული არ მოხდა ჯანმრთელობის მსოფლიო ორგანიზაცია პანდემიას დასრულებულად გამოაცხადებს. ამის შესახებ მან რუსთავი 2-ის ეთერში თქვა.

"არ გამოცხადებულა დასრულებულად პანდემია ჯანმრთელობის მსოფლიო ორგანიზაციის მიერ, მაგრამ მისი მწვავე ფაზა, სწორედ ამ სტრატეგიულ დოკუმენტში მათ თქვეს, რომ მწვავე ფაზა სრულდება. ანუ დიდი ალბათობით, კიდევ ერთხელ ხაზს ვუსვამ, თუ რაღაც ექსტრაორდინარული არ მოხდა ამ ვირუსის ბიოლოგიაში, ევოლუციაში, მაშინ წელს, დიდი ალბათობით, ჯანმრთელობის მსოფლიო ორგანიზაცია პანდემიას გამოაცხადებს დასრულებულად", — განაცხადა მან.

აღსანიშნია, რომ 2020 წლის სექტემბრის შემდეგ, დღეს პირველი შემთხვევაა, როდესაც საქართველოში კორონავირუსით არავინ გარდაცვლილა.