მარიუპოლის საკრებულო ტელეგრამზე წერს, რომ რუსებმა ქალაქის საავადმყოფოს თანამშრომლები და პაციენტები იძულებით გადაიყვანეს დროებით ოკუპირებულ ტერიტორიაზე. საკრებულოს ინფორმაციით, სამედიცინო დაწესებულებაში შეიარაღებული პირები მივიდნენ და გამოაცხადეს, რომ ექიმები და პაციენტები უნდა გასულიყვნენ და მათ მანქანებში ჩამსხდარიყვნენ.

მარიუპოლის მერმა, ვადიმ ბოიჩენკომ განაცხადა, რომ ქმნიან არალეგალურად დეპორტირებულთა ერთიან ბაზას, რათა ისინი მარიუპოლში დააბრუნონ. მისი თქმით, ოკუპანტებმა მარიუპოლის სულ მცირე 40 000 მაცხოვრებელი იძულებით გადაასახლეს.