უკრაინის საგარეო საქმეთა მინისტრი, დმიტრო კულება ბრიუსელში NATO-ს გენერალურ მდივანს, იენს სტოლტენბერგს შეხვდა. მისი თქმით, ბრიუსელში იმისთვის ჩავიდა, რომ განიხილოს სამი ყველაზე მნიშვნელოვანი რამ და ესენია იარაღი, იარაღი და იარაღი.

"შევხვდი NATO-ს გენერალურ მდივანს, იენს სტოლტენბერგს ბრიუსელში. მე ჩამოვედი დღეს, რათა განვიხილო სამი ყველაზე მნიშვნელოვანი რამ: იარაღი, იარაღი და იარაღი. უკრაინის გადაუდებელი საჭიროებები, მარაგების მდგრადი მიწოდება და გრძელვადიანი გადაწყვეტილებები არის ის, რაც დაეხმარება უკრაინას გამარჯვებაში", — წერს ის.