პარტია მოქალაქეების დეპუტატმა, ლევან იოსელიანმა განაცხადა, რომ უკრაინის დაზვერვის ბრალდებას სჭირდება მტკიცებულებები, რადგან ეს ნიშნავს, რომ ბრალს გვდებენ რუსეთის მოკავშირეობაში. დეპუტატი ამბობს, რომ სხვანაირად ამ პრეტენზიებს ვერ გაიზიარებს.

"ჩემთვის მნიშვნელოვანია ასეთი მტკიცებულებების წარმოდგენა, იმიტომ, რომ მე ასე ხელაღებით ამ პრეტენზიას, თუ უკრაინის მხარის ბრალდებას არ ვიზიარებ. იმიტომ, რომ ეს ნიშნავს, რომ ჩვენ ყველას [ბრალს] გვდებენ რუსეთის მოკავშირეობაში ამ ომში. ეს არის ძალიან მძიმე ბრალდება და ამიტომ, ამას სჭირდება შესაბამისი მტკიცებულებები. მეც დაველოდები მტკიცებულებების წარმოდგენას", — უთხრა მან ჟურნალისტებს.

უკრაინის დაზვერვა აცხადებს, რომ რუსეთი ცდილობს საქართველოს ტერიტორიიდან კონტრაბანდული საქონლის შეტანას, რაშიც საქართველოს მთავრობა ხელს უწყობს. მათი ინფორმაციით, ქართულმა სპეცსამსახურებმა მიიღეს დავალება პოლიტიკური პირებისგან, არ ჩარეულიყვნენ ამ საკითხში.

პასუხად ფინანსთა სამინისტრომ განაცხადა, რომ ეს დაუსაბუთებელი და აბსურდული ბრალდებაა. უწყების თქმით, რუსეთისთვის სანქციების დაწესების დღიდან საქართველო ახორციელებს უმკაცრეს კონტროლს ქვეყნის ყველა საბაჟო პუნქტზე.

ქართული ოცნების თავმჯდომარემ, ირაკლი კობახიძემ კი უკრაინის განცხადებას ალოგიკური უწოდა. მან ამ შემთხვევაშიც ნაციონალური მოძრაობის როლზე ისაუბრა და თქვა, რომ ადამიანები, რომლებიც საქართველოში ოპოზიციაში არია, უკრაინის ხელისუფლების ნაწილი არიან.

ამავე თემაზე: