დაავადებათა კონტროლის ეროვნული ცენტრის ინფორმაციით, საქართველოში მყოფი უკრაინის მოქალაქეებს სახელმწიფო გადაუდებელ სამედიცინო სერვისებს დაუფინანსებს.

NCDC-ის განცხადებით, საჭიროების შემთხვევაში მათთვის უფასო იქნება COVID-19-ზე ტესტირება, კოვიდ კლინიკებში მკურნალობა და კორონავირუსის საწინააღმდეგო ვაქცინაცია. მათივე ცნობით, უკრაინის მოქალაქეებისთვის ამოქმედებულია ცხელი ხაზი 144–3, რომელიც სამედიცინო სერვისებთან ერთად, მათ სხვა საჭიროებებზე ინფორმაციას შეაგროვებს და შესაბამის უწყებებს გადასცემს.

ამასთან, მათივე ცნობით, ამ დახმარების პაკეტით სარგებლობა იმ უკრაინელ ტურისტებს შეუძლიათ, რომლებმაც საზღვარი 1-23 თებერვლის პერიოდში გადმოკვეთეს.