ამერიკის შეერთებული შტატები პოლონეთის შეთავაზებაზე MiG-29 ტიპის თვითმფრინავების გადაცემასთან დაკავშირებით უარს ამბობს.

შეერთებული შტატები უკრაინისთვის იარაღის გადაცემის დაჩქარებას ცდილოს, თუმცა პენტაგონი აცხადებს, რომ NATO-ს ტერიტორიიდან საბრძოლო ავიაციის გადატანის პერსპექტივა მთელი ალიანსის შეშფოთებას იწვევს.

"ჩვენთვის, უბრალოდ, გაუგებარია, რა არის ამის დასაბუთება", — აცხადებს პენტაგონის სპიკერი, ჯონ კირბი.

პოლონეთი მზად არის, რომ MIG-29 ტიპის ყველა თვითმფრინავი აშშ-ს განკარგულებაში გადასცეს და "დაუყოვნებლივ და უფასოდ" განათავსოს ისინი გერმანიაში მდებარე რამშტაინის ავიაბაზაზე.

BBC-ის ცნობით, პოლონეთის მთავრობა NATO-ს სხვა მოკავშირეებსაც, რომლებიც ასევე ფლობენ ამ ტიპის თვითმფრინავებს, სთხოვს, რომ იგივე გააკეთონ.