საგარეო საქმეთა მინისტრის, დავით ზალკანიანის განცხადებით, რუსეთის მიერ დონეცკისა და ლუგანსკის "დამოუკიდებელ რესპუბლიკებად" აღიარება 2008 წელს აფხაზეთისა და ცხინვალის აღიარების სცენარს იმეორებს.

"რუსეთის მიერ დონეცკისა და ლუგანსკის აღიარება არის საერთაშორისო სამართლის ფუნდამენტური პრინციპების დარღვევა და იმეორეს 2008 წელს აფხაზეთისა და ცხინვალის რეგიონების აღიარებისა და ოკუპაციის სცენარს. მოვუწოდებთ, ჩვენს საერთაშორისო პარტნიორებს, უპასუხონ უსაფრთხოებისა და საერთაშორისო სამართლის მორიგ დარღვევას", — წერს ის", — წერს ის Twitter-ზე.

რუსეთის პრეზიდენტმა, ვლადიმერ პუტინმა უკრაინის ოკუპირებული ტერიტორიები თვითგამოცხადებული ლუგანსკი და დონეცკი "დამოუკიდებელ რესპუბლიკებად" აღიარა. პუტინმა ეს გადწყვეტილება უკრაინის "აგრესიით" ახსნა და გასამართლებლად არაერთი პროპაგანდისტული მესიჯი გააჯღერა. მან უკრაინის ხელისუფლებას მოუწოდა, "დროულად შეწყვიტონ სამხედრო ქმედებები", წინააღმდეგ შემთხვევაში კი "ნებისმიერ სისხლისღვრაზე" პასუხისმგებლობა მათ დააკისრა.

ამ "თხოვნით" პუტინს თვითაღიარებული რესპუბლიკების ლიდერებმა და რუსეთის დუმის დეპუტატებმა მიმართეს. პუტინის გადწყვეტილება მინსკის შეთანხმების უხეში დარღვევაა, რასაც უკვე გამოეხმაურენ მსოფლიო ლიდერები.

გაიგეთ მეტი: