საქართველოს პრეზიდენტის ადმინისტრაციის უფროსი გიორგი აბაშიშვილი ირაკლი კობახიძის განცხადებას, თითქოს პრეზიდენტის ადმინისტრაციას კონსულტაციები აქვს ცალკეულ პოლიტიკურ პარტიებთან და არასამთავრობო ორგანიზაციებთან საკონსტიტუციო კომისიის დატოვებაზე კიდევ ერთხელ უწოდებს კონსპირაციის თეორიას. აბაშიშვილის თქმით, როცა პრეზიდენტს უმცირდება ფუნქციები და იცვლება მისი არჩევის წესი, აღნიშნული ბრალდება არალოგიკურია:

"საკონსტიტუციო კომისიამ მასში შევმავალ ოპოზიციურ პარტიებთან ერთად მიიღო დოკუმენტი როგორ მცირდება პრეზიდენტის ფუნქციები, როგორ იცვლება პირდაპირი არჩევის წესი არაპირდაპირით, როგორ უქმდება უშიშროების საბჭო, როგორ რჩება პრეზიდენტი ადმინისტრაციის გარეშე - ეს დოკუმენტი კომისიის იმ წევრებმა მიიღეს ერთობლივად, რომლებთანაც კონსპირაციულ შეთქმულებებში გვადანაშაულებდნენ. და სად არის აქ ლოგიკა? - თუ ასეთი ტიპის კონსპირაციულ შეთქმულებებს ვალაგებთ, გამოდის, რომ ჩვენ ვალაგებთ იმ კონსტიტუციურ პროექტს, რომელიც ამ კომისიამ მიიღო."

პარლამენტის თავმჯდომარემ, ირაკლი კობახიძემ 7 აპრილს პარლამენტში გამოსვლისას განაცხადა, რომ პრეზიდენტის ადმინისტრაციას პოლიტიკურ პარტიებთან და არასამთავრობო ორგანიზაციებთან საკონსტიტუციო კომისიის დატოვებაზე კონსულტაციები აქვს.

ბრალდება იმავე დღეს უარყო პრეზიდენტის ადმინისტრაციის უფროსმა და კობახიძის განცხადებას შეთქმულების თეორია უწოდა.